البسكويت الترند بديل الويفر
مقدمة من الشيف / مروج وائل
المقادير
٣ كوب دقيق + ٣ معالق كبيرة دقيق
٢بيضة وممكن
معلقة كبيرة نشا
كوب الا ربع سكر
كوب الا ربع زيت
فانليا / باكو بيكنج بودر / رشة ملح/ معلقة كبيرة كاكاو
الطريقة
فى بوله هنحط السكر وننزل عليه بالبيض والفانليا ونقلب بالمضرب اليدوى لمدة دقيقة كده وبعدين انزلى بالزيت وقلبى لغايه الزيت ما يختلط بالخليط ننزل بمعلقة النشا ونقلب
وبعدين الدقيق وننزل بيه بالتدريج ورشة الملح والبيكنج بودر الباكو كله
واخلطى المكونات مع بعض لقيتى العجينة محتاجة دقيق انزلى بمعلقة معلقة لغاية ما تلم معاكى وخدى بالك بصوابع ايدك متعجنيش
خلصتى العجينه قسميها نصين حطى على النص الابيض معلقة دقيق تانى ولميها بيها
والنص التانى معلقة كاكاو ولميها وياربت ننخل الكاكاو علشان ميكونش فى كلكعه وبعدين نشكله
وصحتين وهنا
