نصايح ممكن تفيدكم احبابي

نصايح ممكن تفيدكم احبابي

اوعي ترمي السائل اللي بيبقي ع وش الزبادي ده عباره عن بروتين بقري مضاد للعدوي و البكتيريا .. اخلطيه مع الزبادي و بالهنا

اوعي ترمي الزيت المستعمل واوعى تبعيه اعملي منه صابون هيخلي مواعينك تبرق وتلمع و الاحواض

لو زادت منك الشطه ف الاكل و عايز تقلليها حطي معلقه صغيره خل ف الاكله و متخافيش مش هيأثر ع طعم الاكل بس هيقلل من الشطه

لو وش المكرونه اتحرق منك شيلي الوش اللي اتحرق و اضربي شويه لبن مع بيضه و حطيهم تاني علي وش الصينيه مكان الوش اللي اتحرق و حطيهم في الفرن و استني عليهم دقايق

عشان ريحة سلق الكرنب او القرنبيط الفزيييعه .. حطي ف ميه السلق كمون مطحون

لو محتاجه في الطبخه نص بصله بس احتفظي بالنص اللي متصل بالجذر في مغلف باسترتش التلاجه بيفضل فتره اطول

الليمون اخضر او ناشف حطيه ف الميكرويف 10 ثواني او ادعكيه بايديك

عشان تتخلصي م ريحة البهارات اللي ف مطحنتك .. اطحني شويه عيش ناشفيين

عشان ريحة البصل و التوم اللي بتبقي ف ايدينا بعد التقطيع .. ادعكي ايدك بخل و ملح عشان الريحه تروح

١١- لو ف ريحه وحشه ف المطبخ اغلي شويه قشر ليمون وفانيليا في حله فيها ميه واكشفي الغطا و شمي احلي ريحه

لو حوض المطبخ اتسد .. هاتي كوبايه كلور و حبه ميه سخنه و ادلقيهم و بعد كده افتحي الحنفيه علي الميه السخنه 5 دقايق هتلاقيه اتسلك

عشان تضيعي ريحه الزفاره م الحلويات حطي معلقه قهوه او نسكافيه اوعصير ليمون

حطي فصين توم قرب م الطبخه تستوي هتديكي طعم روعه