بوكيه دوناتس… مقدم الشيف سهام الحشاش
المقادير:
٢ بيض
ربع كوب حليب
ربع كوب زبده
ملعقتين سكر
رشه ملح
ملعقه كبيره خميره فوريه
٤ كوب ونص دقيق
شيكولاته بالحليب
شيكولاته بيضاء
زبده فستق
مكسرات
فانيليا
الطريقه:
نخلط الزبده والسكر في العجان الكهربائي ونضيف البيض والفانيليا ونبدا نضيف الحليب ونخلط كويس ونضيف الدقيق والخميره ورشه الملح ونخلط كويس لحد متبقي عجينه مش بتلزق ونتركها تخمر ربع ساعه وبعد متخمر نبدأ نفردها ونقطعها بقطاعه الدوناتس ونبدا نقطع مربعات ورق زبده ونحط الدوناتس علي ورق الزبده ونتركها عشر دقائق تخمر ونحضر زيت سخن وننزل بالدوناتس في الزيت السخن ونبدا نحمره لحد ميبقي لونه دهبي ونخرجه علي شبكه وبعدين نبدأ نشكل الحشوات بالشيكولاته البيضاء والشيكولاته بالحليب ونعمل ميكس زبده فستق مع الشيكولاته البيضاء ونحشي الدوناتس ونبدا نزينها بفستق مقروش ونبدا نحطها في بوكيه الورد واتمني الوصفه تعجبكوا
