المقادير
اوراك
نص كوب فريك
بصلة كبيرة
معلقة كبيرة سمنة
ملح / فلفل اسمر
ورق لورا / حبهان
الطريقة
هنخلى الاوراك ونغسلها كويس وننقعها فى مايه وملح وليمون
هننقع الفريك فى كوب ماء لمدة ساعة فى حلة على النار نضيف معلقة سمنة وبصلة متخرطة ونقلب لغاية البصلة ما تدبل نضيف ملح وفلفل اسمر والفريك وكوب ماء ساخن ونقلب اول ما يغلى نوطى النار ونسيبه يستوى نص سوا نطفى النار ونسيبه يبرد
نجيب الاوراك ونشطفها كويس نفرد الورك ونضع جواه الفريك ونلف الورك بالخيط او خلة اسنان
وبعدين حلة على النار ونعمل الشوربة بتعتنا مياه وبصلة وورق لورى وحبهان وفلفل اسمر وملح طبعا الفراخ مش بتغيب على النار يعنى نص ساعة كده او ساعة الا ربع بالكتير
وممكن بقى ترصيها فى صنية وتدهنى الوش زيت ودخليها الفرن او تقليها بالزيت
صحتين وهنا
