كتب:ياسر خالد
مش مجرد أديب أو روائي ولكن هو حالة متفردة في عالم الأدب، نقدر نعتبره من أفضل من كتبوا روايات تعبر عن قضايا ومشاكل المرأة، إحنا بنكلمكم النهاردة عن الأديب والروائي الكبير الراحل إحسان عبد القدوس.
إحسان عبد القدوس يعتبر أحد أعظم الأدباء في مصر والعالم العربي، واللي مش بس ليه إنتاجات أدبية مهمة، ولكن قطاع كبير من رواياته تم تحويلها إلى أعمال سينمائية ودرامية، قام ببطولته أهم نجوم ونجمات السينما، الإذاعة، المسرح والدراما.
لدرجة إن حوالي 70 رواية من رواياته تم تحويلها لأعمال سينمائية، إذاعية، مسرحية ودرامية، زي أين عمري، الوسادة الخالية، الطريق المسدود، أنا حرة، في بيتنا رجل، البنات والصيف، لا تطفئ الشمس، النظارة السوداء، شيء في صدري، كرامة زوجتي، بئر الحرمان، أبي فوق الشجرة، الخيط الرفيع، أنف وثلاث عيون، إمبراطورية م، دمي ودموعي وابتسامتي، أين عقلي، العذاب فوق شفاه تبتسم، الرصاصة لا تزال في جيبي، آه يا ليل يل زمن، أنا لا أكذب ولكني أتجمل، لا تسألني من أنا، حتى لا يطير الدخان، يا عزيزي كلنا لصوص، غابت الشمس ولم يظهر القمر، وتاهت بعد العمر الطويل وغيرها من الأعمال اللي حققت نجاح كبير.
ورغم إن روايات إحسان عبد القدوس اللي تم تحويلها لأعمال سينمائية أكتر من اللي تم تحويلها لأعمال درانية، لكن فيه عمل تم تقديمه على شاشة التليفزيون سنة 1996 بيعتبر من كلاسيكيات الدراما المصرية، ولحد دلوقتي كلما بيتعرض الناس بتتابعه كأنها المرة الأولى اللي بيتعرض فيها، المسلسل ده هو مسلسل لن أعيش في جلباب أبي للنجم الراحل نور الشريف، واللي بيعتبر من أهم وأبرز الأعمال الاجتماعية في تاريخ الدراما المصرية.
كمان الأعمال السينمائية اللي قدمتها نجمة مصر الأولى، واللي مأخوذة عن روايات لـ إحسان عبد القدوس بتُعتبر نقلة في مشوارها الفني، والأعمال دي محفورة في أذهان ووجدان الجمهور لحد دلوقتي، وعلى رأسها طبعًا فيلم الراقصة والسياسي واللي بيعد من أهم العلامات في مشوار نبيلة عبيد السينمائي.
من الأعمال اللي قدمتها النجمة نبيلة عبيد عن روايات لـ إحسان عبد القدوس وسقطت في بحر العسل، ولا يزال التحقيق مستمرًا، العذراء والشعر الأبيض، الراقصة والطبال، أرجوك أعطني هذا الدواء، أيام في الحلال، انتحار صاحب الشقة وغيرها من الأعمال اللي لاقت نجاح كبير.
الأديب الكبير الراحل إحسان عبد القدوس ماكنش مجرد أديب وروابي عظيم، ولكنه كان فنان بمعنى الكلمة بيعبر بكلماته كأنه بيرسم لوحة فنية، وعلشان أعمال ظلت وهتظل محفورة في أذهان ووجدان الجمهور.
