عيش الصايمين .. مقدم من الشيف مروج وائل
المقادير
3 كوب دفيق
علبة زبادى
كوب حليب دافىء
معلقتين كبار زبدة او زيت
معلقة سكر / معلقة بيكنج بودر/ معلقة خميرة فورية
معلقة لبن بودر اختيارى / رشة ملح
الطريقة
فى بولة هنخلط المواد الجافة الدقيق والسكر والبيكنج بودر والخميرة واللبن البودر والملح
نقلبهم مع بعض وبعدين ننزل بالزبادى والزبدة او الزيت وتقلبى وونزل بالحليب الدافىء بالتدريج وانتى بتعجنى
لغاية ما العجينة تبقى طريه ولينه معاكى كده
نغطيها ونسيبها تخمر كويس ويضاعف حجمها
بعدين نقطعها كور قد البيضة كده ونفرد كل كورة ونسيبها ترتاح ربع ساعه بعدين ناخد الكورة ونفردها ونرصها فى الصنية او الصاج بتاعك واوعى تخبيزيها علشان مش هيطلع حلو هيسكع منك
تسبيها ترتاح تانى نص ساعه بقى ماهى شغلانه بس اوعى تزهقى علشان نعمل اجمل عيش
ودخليها الفرن ساخن جدا على اعلى درجة حرارة فى الرف الاوسط
وصحتين وهنا
ورمضان كريم
