طريقة عمل بيج قطايف
مقدمة من الشبف … مروج وائل
المقادير
عجينة القطايف
2 كوب دقيق /
2 معلقة كبيرة سكر
6 معالق ونص سميد / معلقة حليب بودر / رشة ملح
نص معلقة صغيرة بيكنج بودر / معلقة صغيرة خميرة فورية
2 كوب ماء
مقادير الكريمة
3 كوب حليب
7 معالق نشا / 6 معالق سكر
معلقة كبيرة ونص كريم باسترى اختيارى
الشربات
كوبين سكر / كوب ماء / نص ليمونه
الطريقة
هنعملةالشربات الاول ونسيبه يبرد
وبعدين نعمل عجينة القطايف هنحط المكونات الجافة ونقلبهم مع بعض وننزل بالميه بالتدريج لغاية العجينة ما تكون سايلة ونسيبها تخمر لمدة 20 دقيقة
نعمل الكريمة فى كسرولة على النار هننزل بالحليب والنشا والسكر وكريم باسترى ونقلب كويس لغاية ما تتقل نطفى عليها
بعد تخمير العجينة نقسمها على نصين فى طاسة على النار نمسحها بسمنة ونضيف نص كمية العجين لغاية ما تستوى نقلبها على رخامه علشان تمتص السخونيه ونعمل النص التانى فى صنية مدهونه سمنة ننزل باول واحدة من القطايف ونضيف الكريمة ونرش جوز الهند وزبيب ونغطى الوش بالقطايف وندهنها سمنه ندخلها الفرن مش بتاخد وقت لان كل حاجة فيها مستوية اول ما تخرج نسقيها شربات
وصحتين وهنا
رمضان كريم
