أعيانى الحنين … للشاعرة يامنه اليمني
هو…
فداكِ انا
ولا شوفش يوم غير فرحتك
قلبك انا
روحى بتعشق ضحكتك
لو تعرفى
انا قلبى حبك قد ايه
راح تعطفى
على روح بتلمس سكتك
ياللى عيونك ف الوريد سر الحياة
انا قلبى من صنع الإله
والحب نور
لو كنتى حور
بالله عليكى تعشقينى وتعلمينى
ازاى اكون زيك ملاك
هى…
انت ملاك من غير كلام
نورت لى درب الأنام
غزلت فرحى والهنا
عشقاك انا
والروح اليك مستسلمة
لنظرة عينيك
ده انا كلى ليك
ياسر روحى وامرها
تهون الدنيا بحلوها وبمرها
ويكفينى من حبك حنان
يا من ملك
عقلى وقلبى من زمان
ده انت الامان
والدنيا والناس كلها
يااغلى حاجه ملكتها
لحضن قلبك ضمنى
شرياتى انت والوريد
هل من مزيد
ياللى هواك بيهزنى
هو…..
بتهزنى ضحكة عنيكِ السكرانين
وقت اللقا
انا قلبى فى وجودك امان
يااحلى من قمر الزمان
لو يوم تغيبى
القى روحى بالحنين متعلقة
انا لو بإيدى اخطفك
لنبض قلبى اوصفك
اجمل عيون
انا حالة وصلت للجنون بعد الهوى
يا من هوى
نظرة عنيها الجبارين
ملعونه احلام السنين
لما تغيبى عنها
انا كلى عاشق سحرها
لو حد يفهم سرها
يرحمنى ويقولى انا
علشان انول كل الهنا
وابقى حبيبها وحلمها
هى…
ماانا قولت لك
سر العيون السكرانين
م الآهه والويل والضنى
ده انا اللى اعيانى الحنين
والذكريات المؤلمة
جيت لى بنور للروح مبين
بيهد كل الامكنة
المليانة بالآه والانين
بدلتها بعشق قلبك
اللى ماليش غيره انا
آه يا انا
تهت ف دروب العشق
وبقيت لى انت موطنه
ساكن فى روحى
ياجنتى وعمرى انا
