أنا معترف … الشاعر عمرو الأنصاري

أنا معترف … الشاعر عمرو الأنصاري

مين إللي قال لك ياحبيبتي

القلب قد نزع السهام

مين إللي قال إن الجراح

خفت من الشوق و الألام

مين إللي قال إن السلام

كم كلمة هنقولها و نسافر

لما إحنا قررنا نهاجر

إيه إللي هيزيده الكلام

أنا معترف

كان نفسي أقولك

كل كلمة مقلتهاش

كان نفسي أضمك

و احضنك و أقول بلاش

كان نفسي عيننا

ترحم الخد إللي باش

كان نفسي ايدي

تلف قلبي بأي شاش

و أقدمه قربان اليكي

 تروحي بيه

كان نفسي أقولك

ياحبيبتي هتمشي ليه

لكن عقلي كان بيستوعب ساعتها

كان الوداع بيهد في مساكن بنيتها

و عيني كانت باصة عالحلم إللي راح

مين إللي قالك لك ياحبيبتي

البعد رح يشفي الجراح