زوزة بالكراميل مع شاف عمر

زوزة بالكراميل مع شاف عمر

المكونات :

رطل فارينة

 _ 250غ زبدة

_ زوز بيض

 _ 1/2 باكو خميرة قطو

 _ 150غ سكر محور

_ شوية عطرشية أو زهر (اختياري )

الحشو :

كرمال

المكونات:

كأس سكر

 _ كاسين حليب

 _ مغرفة كبيرة نشاء

 _ مغرفة كبيرة زبدة

الطريقة :

نصبو السكر في كسرونة و نحطوه على نار هادئة يذوب وقت يتحل مليح و يولي لونو ذهبي شوية نصبو كأس و نصف حليب و نحركو و ما تخافش كان السكر تحجر و ولالك يابس عادي وسع بالك واقعد حرك بالشوية حتى يتحل مليح السكر في الحليب طبعا فوق النار و في الأثناء نكونو خلطنا باقي الحليب يعني نصف كأس مع النشاء و الزبدة بعد نصبوهم فوق الخليط الأول لي عالنار ونقعدو نحركو على النار حتى نتحصلو على كريمة خاثرة يعني كراميل

طريقة إعداد الزوزة :

نخلطو الفارينة و السكر و الخميرة مليح بعد نحطوا الزبدة و نعجنو مليح حتى تتخلط المكونات كل مع بعضها بعد نزيدو العظم و نعجنو و تنجم تزيد شوي عطرشية أو زهر بعد ناخذو ماكينة الزوزة نسخنوها و نشكلو كويرات صغار كيف كعبة الزيتون و نطيبوهم في الماكينة الخاصة بيهم بعد ما نكملو كامل الخليط نحطو الكراميل في شطر كل كعبة و نلصقوهم

و صحة وبالشفاء

شاف عمر