كيكه الشيكولاته اقتصادى
مقدمة من الشيف / مروج وائل
المقادير
2 كوب دقيق
كوب سكر
نص كوب زيت
كوب ونص ماء ساخن
معلقه كبيره بيكنج بودر
2 معلقه كبيره كاكاو خام
معلقه كبيره خل
رشه فانيليا ورشه ملح
مقادير صوص الشيكولاته الاقتصادي
نص كوب سكر
نص كوب ماء
نص كوب زيت
نص كوب كاكاو خام
لتسقيه الكيكه
نص كوب ماء
معلقه كبيره كاكاو
معلقه كبيره سكر
الطريقة
فى بولة هننزل بكوب ونص ماء ساخن ونضيف عليه كوب سكر و2 معلقة كبيرة كاكاو ونقلب كويس ثم نضيف نص كوب زيت ونستمر بالتقليب ونضيف معلق خل وفانليا ونقلب كويس نضيف الدفيق والبيكنج بودر ورشة الملح ونقلب كويس فى اتجاه واحد وندخلها البوتجاز بتاخد وقت 39 دقيقة
نعمل الصوص الاقتصادى
فى الخلاط ننزل بالسكر والماء والكاكاو ونضرب نضيف الزيت بالتدريج ونضرب كويس ننزل بالصوص فى يولة ونحطه بالثلاجة
الكيك استوت نخرجها من الفرن ونجيب نص كوب مايه ونضيف عليه معلقة كبيرة كاكاو ومعلقة كبيرة سكر ونقلب كويس ونسقى بيهم الكيك
لما الكيك يبرد نفرد على الوجه صوص الشبكولاته ونزينها بشيكولاته مبشورة
وصحتين وهنا
