مقرمشات مملحة اجمل من القراقيش
مقدمة من الشيف/ مروج وائل
المقادير
3 كوب دقيق
معلقة كبيرة زعتر
معلقة كبيرة ينسون
معلقة كبيرة شمر
معلقة كبيرة سكر
معلقة صغيرة ملح
معلقة صغيرة بيكنج بودر
نص كوب زيت
معلقة كبيرة زبدة سايحة
معلقة كبيرة خل
بيضة
ربع كوب ماء دافئ
الطريقة
فى بولة نضيف كل المواد الجافة ونقلبهم ثم نضيف الزيت والزبدة نبس الدقيق مع المواد الدهنيه بدون عجن يعنى تفرفطيها بايدك لغاية ما تبقى عامله زى حبيبات الرملة ثم نضيف معلقة خل وبيضة بدرجة حرارة الغرفة نبدا نعجن وننزل بالماء بالتدريج ونبدا نلم العجينة
ملحوظة مهمه العجينة مش بتتعجن بتلميها بصوابعك
نفرد العجينة بين كيسين ثلاجة بسمك رفيع ونقطعها صوابع ونشكلها ترص فى صنيه ندخلها فرن سابق التسخين
على درجة حرارة 150
نار هادية علشان تطلع مقرمشة
وصحتين وهنا
زر الذهاب إلى الأعلى