بطاطس وكوسة محشية باللحمة المفرومة
مقدمة من الشيف / مروج وائل
المقادير
كيلو بطاطس
كيلو كوسة
نص لحمة مفرومة
2 بصلة كبيرة
ملح / فلفل اسمر
كوب عصيرطماطم
الطريقة
نفرم البصل وننزل بيه فى طاسه مع معلقة سمنه وملح وفلفل اسمر ونقلب لغاية البصلة ما تدبل نضيف اللحمة المفرومة ونقلب نتركها لغاية ما تنزل السوائل بتاعتها وتشربها
وكده العصاج جاهز
نقشر اليطاطس ونقورها ونقور الكوسة ونغسلها كويس
فى صنية هننزل بقلب الكوسة والبطاطس وعليه رشة ملح وفلفل اسمر نحشى الكوسة بالعصاج ونرصها فى الصنيه
والبطاطس هنقليها نص قالية ونطلعها على مصفى تتصفى من الزيت نحشيها بالعصاج ونرصها فى الصنيه
نحضر كوب عصير الطماطم ونضيف عليه ملح وفلفل اسمر ونسقى بيه البطاطس والكوسة نضيف معلقة سمنه على الصنيه ونغطيها بورق فويل وندخلها الفرن
وصحتين وهنا
