هريسه حارة مع الشاف عمر
المقادير
3كغ فلفل
رطل تابل و كروية مخلطين
200غ ثوم مقشر
5 غرام دواء طماطم من الصيدلية
250 غ ملح
الطريقة
اولا نحيو عنق الفلفل و نضفوه مالزريعة و نغسلوه مبعد نحطوه في كسكاس فوق مقفول معبي بالماء مع الثوم و نغطيوه و نخليوه يتفور مبعد نرحيوه الكل للي يولي ناعم جدا و يا حبذا لو عندك مكينة رحي متاع لحم كبيرة و الا تهزها للطاحونة
مبعد تصفيها بغربال قماش او قماش كبير و تحطهم على الغاز مدة 5 دقائق و تحطلها تابل و كروية و دواء الطماطم و الملح و تعبيها في حكك و تخبيها
بالنسبة للبقايا بعد التصفية تنجم تخبيهم تطيب بيهم و الا تعملهم هروس للجاري و الا للشكاشكش حصيلو ما يطيش شي كلو ينفع
ان شالله مفهومة و ميش صعيبة اي استفسار نحن في الخدمة و يرحم ولدين الي علمنا و وصلنا باش ننفع الأخوات ما تنساوش برتاج و دعوة خير لينا و لوالدينا و الاشتراك في القناة الجديدة كوجينة شاف عمروش التونسي على اليوتيوب و cuisine Tunisienne على تيكتوك و ان شالله نهاركم زين
شاف عمر
