باب ” صندوق زهور الغد”  بقلم ٠٠ دكتورة إيمان يحيى – إستشارى نفسى إكلينيكى 

باب ” صندوق زهور الغد”

بقلم ٠٠ دكتورة إيمان يحيى – إستشارى نفسى إكلينيكى

مرحبًا بكم القراء الأعزاء في بابنا الجديد باب “صندوق زهور الغد” ، حيث نلتقي لنتبادل الأفكار والحلول حول تربية الأطفال وتنميتهم. نحن هنا لنقدم الدعم والمساعدة لأولياء الأمور في مواجهة التحديات اليومية، ونسعى لتوفير بيئة آمنة ومشجعة للأطفال للنمو والإزدهار. في هذا الصندوق، سنطرح حلولًا عملية ونصائح قيمة لمساعدة الأهل على تربية أطفالهم بشكل أفضل، ونسعى لتحقيق مستقبل مشرق لأبنائنا.

جاءنى إستفسار من أحد الأمهات الفاضلات تقول فيه :-

“إبنى بيعيط لأتفه سبب حساس جدا ، من غير ما حد يعمله حاجة بيعيط، هو عنده أخ اصغر منه ، بس مضطره أهتم بأخوه الصغير بحكم سنه، بس إبنى الكبير بقى يعيط من لحظة ولادة أخوه، ومش بيهدا الإ لما نديله الموبايل ، مش عارفة أعمل إيه ؟”

يسعدنى كثيرا الرد على إستفسار الأم الفاضلة ومحاولة مساعدتها فيما يحيرها فى السطور التالية :-

(١- بلاش تهتمى بطفل عن غيره عشان العياط والحساسية الزيادة من علامات الغيرة ومحاولة جذب الإنتباه.

٢- وحدى المعاملة بين الإخوات وبعض.

٣- بلاش مقارنات، وإتفقى مع باباهم فى طريقة واحدة للمعاملة.

٤- بلاش إستخدام الموبايل كمعزز عشان تبعدى الطفل عن العياط ، لإنه بيضعف التركيز وبدليه بحاجة تانية، ونوعى المعززات من مادى لمعنوى عشان ميبقاش الطفل مادى فى المستقبل.

٥- إشتركيله فى أنشطة فنية ورياضية تناسبه يفرغ طاقته فيها.

٦- حاولى تؤلفى نشاط جماعى بين الإخوات عشان تقربيهم من بعض .

٧- إهتمى بكل ولادك فهم نعمة تستحق الإهتمام.

حفظ الله أطفالنا من كل مكروه وسوء.