مش قافل نت
منال محمد
مش قافل نت
معقوله هيكون بيكلم حد؟!
معقولة يكون عاشق غيري !
معقولة يحس بتغيري؟
وانا رافضه قصاده إني اغير
مش لاقيه بديل
اخفي شعوري
ولا اثور
محتاج لشعور تاني معايا
علشان اتحمل معاناتي
وأعيش من تاني بسلام
واسيبه براحته مايعاني
الحب ماكنش في يوم غاية
الحب وسيلة مدادية
الحب حياة
مش قادرة احقق تغير
ولا عارفه بعيد عنه اسير
الشوق جوايا محتاجه
والنبض أثير عشق جنابه
والكون من غيره كله هموم
بعشق صوته
حتى سكوته
بعشق قربه
حتى غيابه بسرح في
اوقات بلاقيني في حصوره
وكتير بلقاني في غصونه
بطرح ورد وكمان أفراح
برتاح في كلامي وياه
بتألم وانا برضه معاه
لو لحظة يسيبني وينساني
العين بتقول للعين حكايات
والوقت يفوت وانا لسه معاك
وبتوه في انيني
طب قولي إزاي بعدك هنساك
طب قولي إزاي عاشقة وبهواك
وانا حاسه إن إنت مش ليا
وتغيب إزاي وانا دايبه في روحي و بتمناك
