بقلم دكتورة / شيماء عراقي
عشت معظم حياتى فى ريف مصر وقضيت أوقات طويلة فى أحياء شعبية
ونصف حياتى التانى فى أرقى مدن مصر وما بين سفر وعودة
وبحب أنزل أسواق فى الريف والاماكن الشعبية وبتعامل مع ستات بمية راجل من كادحات وربات بيوت وسيدات مجتمع ونماذج سيدات مصرية تضرب بيها المثل
ومن مغتربات فى أوروبا وامريكا وفى العالم كله محافظين على هويتهم
سخرت وقتى ومجهودى فى مجال المرأة لسنوات طويلة …لا عمرى قابلت ستات بالنماذج المتدنية اللى بنشوفها فى المسلسلات والإساءة المتعمدة للمرأة المصرية وتجسديها فى دور الراقصات والعاهرات والردح والألفاظ البذيئة والساقطات أخلاقيا …
الست المصرية هل تستحق من اعلام وقنوات مدفوع فيه ملايين علشان تتشوه بالشكل دا لصالح حفنه لا يتعدوا أصابع اليد الواحدة من رؤس أموال المنتجين عملوا الست المصرية سلعة مكشوفة مسموح الكشف عنها بما ينهى عنه الديانات السماوية والاعراف والقيم المصرية
هو مفيش فى البلد دى من يقول كفاية لحد كده …فين محامين مصر الشرفاء …فين نواب الشعب صوت مصر
فين الأزهر الشريف والكنيسة المصرية
لو لم المشاهدات على حساب سمعة سيدات مصر يبقى وقفة
وكفاية كده
النماذج دى لا تمثل واحد فى المية فى سيدات مصر ذوات الخلق والعفة وسيدات مصر الرائدت فى كل مجال
واعرفوا ان ستات مصر لا عمرهم هيكونوا عاهرات ولا ساقطات ولا رقصات وانتوا مخرجين لا عندكم ذمة ولا ضمير ولا أخلاق
ياريت نسمع ونشوف تحرك من مجلس النواب تجاه ما يقدم من دراما ساقطة فى شهر رمضان الكريم
الدراما المصرية وتاريخنا من مسلسلات وأعمال درامية
برئية مما يقدم على شاشات رمضان الأن
# سمعة مصر
# سيدات مصر
