ارهابية …. للشاعر محمد طلعت
شدت أجزاء الحلم من قلب فصول الروح
حبت تحتل معالم بيت الشعر
الواخد أجمل صورة بتوصف ضل الورد
مشتاقه تفتش جوه القلب
وترتب كل حروف مكتوبة وتعمل جرد
من قبل ما تسجن روح الحب ف نزلة برد
عدت أعداء الفكرة ف مدخل فاتح بابه لأى ضيوف
كات خايفة يموت الحلم ف روحه وهو جنين
ويعلق فكرة اتشالت عنده لأى ظروف
كانت م الخوف
بتحاوط كل منام
شايل ف ايديه النن وماشي يدور ع المعشوق
كات عاملة قماش الليل بطاطين
بتدفي ضلوع القمر الواخد كل ما تحلم يبقي شروق
أول ماتفوق من جوه بحور النوم
بتفك ايدين الرمش اللى متبت على اخر صورة معلم فيها دموع الضحك
وبسبب الشك
حبت تحتل اراضي الدنيا اللى بتظهر أول ماتنام
شدت أجزاء ضوافرها ووقفت وضع الاستعداد
لفت ف أراضي الحلم
مش عارفه تكمل باقي الحرب
او تغرز جوه ضلوع الشك بخنجر سلم
او تقلب جوه شاشات النوم على أى مسلسل غير الفيلم
وتهد السور المبني مابين الحلم
وايدين بتشبك لحظة بترسم حلم اتنين
برواز العين
مش عايز جوه منامة يشوف
رمي الصواريخ
ولا ارض بتهرب من محتل
ولا شعب بيبصم بالعشرة لويسكن برج الحريه وزنه بيختل
شد الاجزاء
فى منامها بيعمل صوره بتشبه للارهاب
بيسيب على أول كل كتاب
عنوان متكسر مايدلش على حبر القلم اللى بينزف
انا جوه منامك مش هاهتف
لتفوقي وتصحي وتفتكري
ثورة اخلاقي ف كتشينتك
كسبت بشايبها الورق المترتب للواد
والصوره الباهته الموجودة على مدخل قصة بتشبه خوف الحلم وهو اسير
بتعلي ف اي مباني اتخلقت
طول ماهدفها ف أخد الطار
لو كان فى خيالك ان الحب شجرته بتكبر بالارهاب
ف اعملي على بحر غرامك كوبري طويل
أو قارب يعمل من حلمه
مركب هلكانه معديه
ف ان كان يا حببتي الحب كبير
هايموت لو عرف ان حبيبته
بتعيش ف غرامها من الغيرة
عشمانة ف كلمة حنية
