بقلاوة المروحة…. مقدمة من الشيف / مروج وائل
المقادير
نص جلاش
ربع كوب سكر بودر
كوب سمن على زيت
الشربات
كوب سكر
كوب ماء
نص ليمونه
رشة فانليا
الطريقة
نفرد ورقة الجلاش وندهنها من خليط السمن على زيت ونرش عليها سكر بودر نطبقها على اتنين ونقطعها بالتساوى
ناخد كل شريحة نعملها مروحة ونمسكها بخلة ترص فى صنيه مدهونه زيت وندهن الوجه سمنه وندخلها الفرن
تخرج من الفرن ندهنها شربات
لعمل الشربات فى حلة على النار هنضيف الماء والسكر بدون تقلب بعد دقيقة نضيف الليمون والفانليا ونقلب
اول ما يتقل نطفئ عليه
عاوزين القوام تقيل علشان لو القوام خفيف هيطرى المروحة
ونزين المروحة بكريمة شيكولاته او بستاشيو اى زينه تفضليها
وصحتين وهنا
