فطائر القارب ،، مقدمة من الشيف/ مروج وائل
المقادير
نص كيلو دقيق
معلقة كبيرة خميرة فورية
رشة ملح
معلقتين كبار سكر
معلقتين كبار لبن بودر
كوب وربع ماء دافئ
ربع كوب زيت
بياض بيضة
الحشو
مكس جبن
وبسطرمة
الطريقة
فى بولة
ننزل بالدقيق والخميرة والملح والسكر واللبن البودر ونقلب نضيف الماء والزيت ونعجن والعجينة بتكون بتشبط فى الايد
ندهن ايدى زيت ونلم العجينة فى بولة ونسيبها تخمر بتاخد حوالى ساعه ونص علشان الجو شتا
ونبدا نقسمها كور ونفردها بشكل بيضاوى نضع الحشو ونقفل عليه ونرصها بالصنية وندهن الوجه بصفار بيض ومعلقة حليب ومعلقة قهوة سريعة الذوبان
ندخلها الفرن مش بتاخد وقت من 15 الى 20 دقيقة
اول ما تخرج من الفرن نغطيها
وصحتين وهنا
