كيك الكريم كراميل
مقدمة من الشيف/ مروج وائل
المقادير
كوب ونص دقيق
كوب لبن
كوب سكر
كوب الاربع زيت
3/1 كوب ماء
2 بيضة + فانليا
معلقة كبيرة خل
بكيت كريم كراميل
كيس بيكنج بودر
الطريقة
فى بولة ننزل بالدقيق والبيكنج بودر ونسيبها على جنب
فى الخلاط ننزل بالسكر والحليب وباكيت الكريم كراميل ونضربهم كويس ننزل بالزيت بالتدريج ونستمر بالضرب لغاية القوام ما يتقل نشيل نص الخليط فى بولة وندخله الثلاجة
نص الخليط التانى فى الخلاط نضيف عليه ثلث كوباية ماية او لبن والبيض والفانليا والخل ونضربهم كويس بالخلاط نضيف الخليط على الدقيق ونقلبه لغاية ما يندمج الدقيق مع السائل وننزل بالكيك فى صنيه مدهونه زيت وندخلها فرن
بتاخد حوالى 30 دقيقة
نخرجها نسيبها تبرد ونعمل فيها ثقوب ونسقيها بكوب حليب
نفرد الكريم كرميل اللى شلناه فى الاول على الوجه وبعد ما نفرد الكريم كرميل نعمل خطوط بالعرض بكيس العسل اللى مع الكرميل و هعمله خطوط رايح جاى بالخلة
وصحتين وهنا
