البامية مقدمة من الشيف / مروج وائل
المقادير
نص لحمة مكعبات
نص باميه
كيلو طماطم
بصلة
معلقة صغيرة ثوم مفروم
ملح / فلفل اسمر / كزبرة جافة
معلقة صغيرة سكر
قرن فلفل اخضر اختيارى
الطريقة🌹
فى حلة على النار نخرط البصلة ونشوحها فى معلقة سمنة
اول ما البصلة تدبل نضبف اللحمة ونشوحها مع البصلة ننزل لغاية اللحمة ما تاخد لون ننزل عليها بثلاث كوبايات مايه سخنه ورشة فلفل اسمر ونسيبها لمدة ٢٠ دقيق نختبر اللحمة بشوكة لو لقيناها دخلت فيها بسهولة يبقى اللحمة استوت
نضرب الطماطم فى الخلاط و نضيف عصير الطماطم على اللحمة لو بتحبيها مسبكة هتسبى الطماطم تتسبك الاول
انا مش بسبكها انا بسيب الطماطم تاخد غلوتين واضيف البامية والملح والثوم المفروم والكزبرة وقرن الفلفل ومعلقة السكر ونقلب ونسيبها تستوى لو لقيتى الصلصة بقت سميكة بشكل مبالغ فيه تخفف بكوب ماء
وصحتين وهنا
