من رسائل الماميز  د_إسراءاسامه  استشاري_إدارة_منشآت_تعليمية

من رسائل الماميز  د_إسراءاسامه 

استشاري_إدارة_منشآت_تعليمية

واحنا بنعمل متابعه للاولاد إن في بعض الولاد

اصبحوا مش بيحبوا يتصوروا

بالنص( ابني لما عرف إن في حفله قالي يوووه يعني هنتصور انا مش عايز اتصور)

الام مش فاهمه هو ليه بيعمل كده

حاولت تشركه في العاب جماعيه واكتر من نشاط

وبردو حاسه إنه حابب يبعد عن تسليط الضوء عليه…

ملحوظه هو طفل طبيعي جدا ونسبة ذكاؤه اللهم بارك كويسه جدا فالموضوع ملوش اي #علاقة #بأمراض العصر

لا قدر الله

#تعالوا نتفق إن الطفل فيما قبل السبع سنوات الاولى هو له انماط و سمات سلوكية لسه مش شخصية

هو لسه بيكون شخصيته

ونتفق إن كل طفل مختلف عن التاني

وكمان نتفق إن في حالات مزاجية مختلفة بيمر بيها الطفل

جايز بسبب عدد ساعات النوم

بسبب تلبية رغبة للاهل قد تكون عكس رغبته في الوقت الحالي ( زي إنه يروح المدرسة او الحضانة وهو مش عايز)

بسبب إن المعلمة مش بتتعامل معاه بطريقه هو حاببها

بسبب نوع اكل دخل في وجبه من وجباته وجهازه الهضمي لسه مرتاحلوش ( الفتره الاولى من عمر الطفل بيكثر فيها موضوع التحسس من بعض الاطعمه )

كل دي اسباب خفيه مش معناها اقلق واجري واقول ابني هيطلع انطوائي ( واحيانا مسميات اكبر)

…

وفي سبب تاني بيغيب عن #الامهات بيكونوا هما #السبب

فيه و ده بنقع فيه اغلبنا

هو الكلام عن الطفل مع المدرس او الاهل او الجيران

امام الطفل

وغالبا الكلام بيكون سم في العسل

اللي هو الام تشتكي من سلوك الطفل وهي وشها واضح عليه شكوى صريحة وترجع تحط جملتين ختاميتين

على شاكلة بس هو شاطر هو مؤدب

اللي هو تنقذ ما يمكن إنقاذه ..

ها!! مش بيحصل ؟؟

ده انعكاسه على عقل الطفل الباطن

إن انا مش مقبول

انا فيا حاجه وحشة

حتى ماما #اول مصدر #امان اشتكيتني

هنا الطفل بيكره التصوير ظنا إنه هيكون متلاحظ اوي

بيكره التواصل #البصري عموما

هنا اللي محتاج تعديل السلوك انا كأم

مش الطفل عشان ده ميأثرش عليه في الكبر

ويهز صورته في وسط الناس

يارب يكون المقال مفيد بالنسبة لكم

#د_إسراءاسامه

#استشاري_إدارة_منشآت_تعليمية