نصائح منزلية لتوفير لشهر رمضان المبارك
متابعه غاده المصري
دورى عندك فى المنطقه اكيد فيه واحد بتاع منظفات كويس عنده صابون سايب كويس 3 ك بيكفوا الشهر كله
اشترى الكلور سايب 3 كيلو يكفوا الشهر
عدد2 ليفه اطباق —– عدد 2 سلك استانلس
3كيلو مسحوق سايب وعلبهم ربع كربوناتو وملح ليمون وبشر صبونه سمرا او شمس وبقي عندك مسحوق جميل جداً للغسيل
عمل قائمه اسبوعيه بالاكلات اللى عايزه تعمليها
تفريغ القائمه فى ورقه علشان تعرفى انت محتاجه تشترى ايه
مرى كل اسبوع على دولايب المطبخ والثلاجه والفريزر عشان تعرفى ايه اللى عندك ناقص وايه اللى عندك وقرب يخلص او حاجه انت ناسياها وتاريخ صلاحيتها انتهى او قرب
الحاجه اللى تشتريها نظفيها وشيليها على طول علشان ما تبوظش منك
لما تشترى لحمه اغسليها واسلقيها مره واحده وقسميها على عدد الوجبات فى علب وحطيها فى الفريزر توفرى فى الغاز والوقت والجهد
اسلقى كميه من اللوبيا والفاصوليا وقسميها على اكياس وحطيها فى الفريزر تكسبى وقت وتوفرى الغاز ( الفكره ان كميه الغاز المستخدمه لسلق ربع كيلو هى الكميه المستخدمه لسلق كيلو )
لو الفرخه كبيره شويه ممكن تقسميها على 8 قطع واعمليها على مرتين
كيلو البانيه ممكن يعمل 4 وجبات ( 2وجبه بانيه × 8 قطع + 2 وجبه كفته فراخ )
اللحم المفروم ممكن تضيفى له جزر مبشور وبصل وفلفل رومى لزياده الكميه ورفع قيمته الغذائيه
اشترى الوراك اوفر فى السعر وعاده الوراك بتكون كبيره وممكن تقسمى الورك على اثنين
عمل الطحينه فى المنزل ( كوب سمسم مطحون ناعم + كوب دقيق + كوب زيت )
عمل المربى فى البيت فى موسم الفاكهه
عمل صلصه الطماطم فى المنزل لما الطماطم سعرها ينزل
تخزين بعض انواع الخضار فى مواسمها
فرم البصل ( كميه محترمه ) فى الكبه مع 1/2 معلقه فلفل اسود وحطيه فى الفريزر وخذى منه على قد الاكله علشان ما تهدريش بصله كبيره وانت عايزه حته صغيره وكذلك التوم
بواقى الاكل وماادراك ما بواقى الاكل لو فاض منك شويه خضار حطيه فى علبه على الفريزر على طول ولا من شاف ولامن درى اكيد ها تستعمليه فى يوم زنقه.
اعملى الفول المدمس فى البيت والبليله وحمص الشام والزبادى واللبن الرايب والكاتشب والمايونيز والسحلب كل الحاجات دى هتلاقى طرىقتها على صفحتنا وهق.لك دلوقتى عل تدميس.الفول.
تدميس الفول :
المقادير
نصف كيلو فول تدميس
ونختار وأحنا بنشتريه الفول يكون كبير ولونه فاتح ويكون فول مكمور وهو فول بلدى وميكونش
2 ملعقة كبيره عدس أصفر
2 ملعقة كبيره فول مدشوش او أرز2
2 ليمونه. 2طماطم
الطريقه نقع الفول لمده يوم وذلك لنزول المواد الضاره الموجوده به بعدين تغسليه تانى وتغيري الميا ونضعه على النار فى الدماسه واللى معندهاش مفيش مشكله
تضعه فى حله عادى بس تكون عميقه وغطاها محكم .
حتى يغلى لمده عشر دقائق
وتحطى 3/4 ماء مغلية وبعدين توطى زى الشمعة
ثم نضيف العدس بعد غسله والفول المدشوش( أو الارز) كمان بعد غسله
ونتركه حتى يغلى لمدة 3 دقائق .
ثم نعصر الليمون والليمون هو اللى ما بيخليش الفول يسود
وكمان نضع القشره بتاعت الليمون أيضا فى الفول
(ممكن ليمونه سليمه بدل القشر
ومتخافيش.قشر الليمون ميخليش طعمه ممرر .
ثم ننقله على أصغر عين فى البوتجاز ونضع تحته الصفيحة بتاعت الارز
ونتركه حوالى من 4 الى 5 ساعات .
وطبعا نتابعه على النار عشان لو الميه قلت نغلى ميه ونضعها عليه وأوعى تحطيها ساقعه من غير تسخين
أحسن الفول بيتاخر فى السواء وكمان يسود.
وبعد ما يستوى الفول أطفى النار
وأترك الفول يبرد وأضعه فى أكياس نايلون
بكميه مناسبه لعدد أفراد الاسره وعلى الفريزر
لان تدميس نصف كيلو هيكون كميه كبيرة على يوم واحد…
استعملى الجبن القريش واشتريها من الفلاحين مش من السوبرماركت عشان ارخص وتقدرى تعملى منها حاجات كتير زى حشوه الفطاير او حطى عليها نعناع او طماطم او فلفل او زعتر
ممكن تستغلى العروض الكبيره او تشترى من محل جمله وتقسمى مع اختك او واحده صاحبتك العرض 20- لاتستسلمى لاغراء عروض السوبر ماركت اكتبى ما تحتاجيه فى ورقه واشترى فقط ما تحتاجيه فعلا ادخلى على عروض نت واعرفى العروض المتاحه فى السوبر ماركت واعملى قايمه مشترياتك وانت فى البيت قبل ما تروحى علشان تظبطى ميزانيتك
امتنعى تماما عن الاكل الجاهز والدليفرى واصنعى فى البيت البيتزا والهامبرجر والسندوتشات
تعلمى صنع الحلويات فى المنزل ولو حتى البسيطه زى البسبوسه والكنافه والجلاش والكيك وشويه شويه جربى حاجات تانيه
اعملى حصاله وشيلى فيها كل يوم 2 او 3 ج فكه اعتبريهم مش موجودين هاتلاقى اخر الشهر مبلغ استغليه فى اى حاجه
وفري في الجبنة الرومي واعملي اكلك استعملي كسر رومى أو بواقي رومى الكيلوبجيب كمية 2 ك مثلا
وأقعد كدة فى وقت فاضى وأحط حبة حبة فى الكبة وأبشرهم ناعم جدا وأعبيهم فى علبة بلاستك كبيرة وأحطها فى الفريزر
وقبل الأستخدام بطلع علبتى من الفريزر قبلها بساعة
بعمل بيها أحلى بيتزا مع حبة جبنة موتزريلا صغننين
بعد ما أقلى البيض أرش كبشة علية وهو لسة سخن ومحطش ملح لان ملح الجبنة كافى وبيبقى أحلى عشا
بعد ما تحمرى البطاطس وهيا سخنة رشى كبشة عليها ومتحطيش ملح برضة ودوقى الطعم الجبار
هاتى من فرن الفينو نص كيلو عجينة فينو وأعملى أشكال فينو زى ما أنتى عايزة وأحشيها بالجبنة بتاعتنا وأدهنى صنية زيت ودخليها الفرن وبجد مفيش عش أطعم من كدا
أحشى بيها جلاش
أحشى بيها سمبوسك
أحشى بيها قطايف
حطي حبة منها فى قلب صلصة البشاميل بعد ما يخلص وهو سخن ودوقى المكرونة بالبشاميل بتبقى عاملة ازاى بس خدى بالك من الملح زى ما قولت لان الجبنة مملحة
هاتى كيلو بطاطس مسلوقة وأهرسيهم مع نص كيلو لبن وكوبايتين من الجبنة بتاعتنا بدون أى أضافات تانية وبدون ملح برضة وبططيهم فى صنية ودخليها الفرن لحد ما الوش يحمر ودوقى الصنية الرهيبة دى مش محتاجة حاجة جمبها
أسلقى مكرونة شكلها حلو فيونكة مثلا وحطى عليها معلقة زبدة سايحة ونص كوب جبنة من بتاعتنا وقلبيها وقدمى المكرونة دى جمب فيلية فراخ مثلا أو كفتة أو أى حاجة
