لو عايزة  الشقة بتاعتك يكون ريحتها حلوةعلي طول هقولك علي حبه حاجات تخلي ريحتها تحفة

لو عايزة

 الشقة بتاعتك يكون ريحتها حلوةعلي طول هقولك علي حبه حاجات تخلي ريحتها تحفة

متابعه غاده المصري

اولا ..

الستاير لو فيها تراب ومش نضيفة بتأثر علي ريحه الشقة و بتجيب طاقة سلبية في البيت والتراب دا بيجيب بردوا طاقة سلبية و بيخلينا مخنوقين ومش عارفين السبب .

ثانيا….

السجاد و فرش السراير اغسليهم و ضروري يتهوي السجاد كل شهر مرة ع الاقل و لو مش محتاج غسيل وريحته تراب بس اغسليه ع الجاف و حطيه في الشمس والهوا لانه سبب رئيسي من اسباب الريحة اللي مش لطيفة في الشقة و فرش السراير يتهوي يوم بعد يوم ( كل يومين ) الشمس بتعقمه و الهوا بيخلي ريحته حلوه .

ثالثا ….

فتحي كل يوم الشبابيك كلها حتي لو ساعة واحدة علشان تغيري جو الشقة و الطاقة السلبية تخرج مع تجديد الهوا .

رابعا…

باسكيت الغسيل حاولي بقدر المستطاع شغلي الغسالة كل يوم لو قدرتي و متحطيش اي ملابس مبلولة في الباسكيت لانها سبب مهم من اسباب الروائح اللي مش حلوة .

خامسا….

و باسكيت القمامة اعزكم الله ضرور ييتغسل و يتعقم بكلور عشان نضمن انه مفيهوش اي روائح .

سادسا…

الحمام من اكثر الاماكن اللي لو متنضفتش يوميا بتتسبب في روائح مش حلوة في الشقة و بلاعة الحمام ممكن برضوا تكون سبب في الروائح دي ف ضروري تغسليها من جوا و يوم بعد يوم تدلقي فيها كلور عشان تحمكيكي كمان من اي حشرات ممكن تطلع منها .

بعد شوية الحاجات البسيطة دي الشقة مش هتبقي محتاجة غير عود بخور بجنية و تشغلي القرآن و البيت كله يتملي ملايكة و بركة ورزق و ربنا يملي بيوتنا كلنا بالخير