كسكسي الأعراس في المنزل للمزيد تابع الوصفة

كسكسي الأعراس في المنزل

شاف عمر
بطلب من بعض الصديقات اليوم وصفة كسكسي العرس على طريقة الطباخين في مدينة بني خيار نابل النهار الأحد و رغم اني ذقت عديد المرات كسكسي العرس و لكن طعم و لذة كسكسي الأعراس ما تختلفش ياسر في ربوع الجمهورية ناس تقول متسمية على الوطن القبلي و ايضا على أرياف مدينة المهدية كيما السواسي و ناس تحب كسكسي الجنوب و كل بلاد و ارطالها إليكم الوصفة المثالية

المكونات

1كغ من الكسكي
راسين بصل كبار
كأس زيت زيتون
حمص منقوع قبل بالليلة
1كغ لحم هبرة بقري أو خاروف
ملح
150 غ ببريكا فلفل أحمر
فلفل اكحل
كركم
مغرة و نص طماطم معجونة
كركم
مغرفة تابل تونسي
زيت

الطريقة

اولا نحط الحمص يطيب في طنجرة في الماء مع شوي كركم نبل الكسكسي و ندهنوه بشوية زيت نفوح اللحم فلفل اكحل فلفل احمر ملح كركم و شوية زيت و نخلطوه مليح و نخليوه على جنب يتفوح نحط مقفول الكسكسي و نعبيه لتر من الماء كأس زيت مغرفة و نص طماطم كبار نحلوهم مع الماء و الزيت لبصل نقصوه و يا حبذا لو عندك ساشي بلاستيك غذاءية تحط في وسطها و تنقبها نقبات صغار باش لبصل ما يتفترش أو ما يتنطورش في وسط الطنجرة و يعطي مفعولو في نفس الوقت نرميو اللحم و نزيدو مغرفتين فلفل احمر و فلفل اكحل مغرفة قهوة و مغرفة ملح و عند الغليان نحط الكسكاس و نعبيوه بالكسكسي يتفور في الاثناء الحمص طاب نحيوه من فوق الغاز و إذا طاب اللحم و الكسكسي و الصوص وقفت على زيتها ناخذ رأس المقفول يعني الزيت الي من فوقة و نصبوه على الحمص و نخلط
حضر كل شي نخلط الكسكسي بالمرق و نخليوه يشرب مرق باش يبذر و بعد نقدموه في صينية فخار و نزينوه بالحمص و اللحم و فلفل مسير و زيتون