ازاي تخلي غسيلك بيلمع في الاوتوماتيك
متابعه غاده المصري
الغسالة الاتوماتيك ليه مش بتنضف ليه مبيبقاش زي ما احنا عاوزين النضافه اللي بنتمناها
وايه يازوجه اروبه ولهلوبه الاضافات اللى نزودها على المسحوق علشان غسلنا يبقا فله قشطه كده يا اختي وتغيظي جيرانك وحماتك واخوات جوزك
سؤال محير الكثير بصراحه تعالو نشوف ها نعمل إيه
بالنسبة الابيض
نضيف معلقتين ملح ليمون وربع كوباية خل حدهيسال ميبوظش الغسالة ارد طبعا لا انتى اماتحتاجى تنضفيها بتعملى دورة خل علشان تنضف ويسلام لو بشرنا صابونه صن لايت وضيفنا شوية بشر مع المسحوق اى كان نوع المسحوق الاضافات دى بتلمعه وحبه زهره بيضا وعلي الغليه وابقي ادعيلي بقااااا
بالنسبة الزهرة :
الزهرة السايلة غليت اوى بس بجد بتفرق كتير فى الابيض طيب نعمل ايه هنعملها بنفسنا ومش هتكلفك غير اتنين جنيه ممكن يكفوكى شهور ازاى
2جنيه زهرة من بتاع المنظفات هناخد ملعقة كبيرة على كوباية ماية وعلشان ميلطشش معلقتين برسيل جل نقلب جيدا ونضعها فى زجاجة نرج كويس قبل الاستخدام وناخد نص غطا نحطه بعد منشغل الغساله زى الكلور مش فى البداية بتزهزه الهدوم البيضة والله والملونه بتخلى الوانها مزهزها
الملابس الملونه:
شوية خل ومعلقة كربوناته بيثبت الالوان ويزيل اى بقع
ملحوظه:انا بضيف المسحوق فى الغسالة مباشره مش فى الدرج والحمد لله تمام الغسيل زى الفل
ولو غسيللك الابيض مش نضيف شغلى السخن وشغلى الغسالة فى نص الغسله افصلى الغسالة مثلا من بليل للصبح يفضل منقوع فيها وكملى الغسله الصبح هينور مع الاضافات
