طبعا احنا اتفقنا أن الفضفضه نوع من أنواع التعري..

طبعا احنا اتفقنا أن الفضفضه نوع من أنواع التعري..

والصعب فيها أنك بتعري وجع وأذى قد تكون متعافيتش منه وحتى لو اتعافيت هو زي الندبه معلم في روحك

تاني حاجه هي اسباب الفضفضه

اماانك في حالة احتياج تخرج اللي جواك بدون ما تسمع حلول

او محتاج مساعده حد بره القصه يفكر معاك

او انك بتسرد احداث في حياتك في فترة تعرف على حد

بالبلدي بتحاول تقوله انا خارج من معركه

متكونش زي اللي سبقوك

نقطة نظام هنا بقا لازم تعرف حق الفضفضه عليك

اه هي ليها حق عندك

حقها في الانتقاء والإختيار

اولا تعرف غرضك من الفضفضه من الأسباب اللي فوق دي

ثانيا يكون الشخص

أما مالوش مصلحة معاك.. يعني مثلا معالج دي شغلته ودوره لكن هو مش هينغمس في أحداث حياتك

او يكون شخص انت واثق جدا من خلال تجارب سابقه ومن معرفه بشخصيته أنه سوي نفسيا ( وده صعب تأكيده في الزمن ده)

او شخص بيحبك جدا جدا انت وهو واحد أصلا

ليه؟

لأن جرحك اللي عريته هيتهان لو اللي بيسمعك اخد جرحك بتفاهه

ولا بقا الناس اللي ما تصدق وتجرحك فوق جرحك

ما انت اصلا اتحملت قبل كده كتير هي يعني جت علينا

كل ما تحكم عقلك وانت بتفكر في اوجاعك هتحمي نفسك من وجع جديد قد يكون ألمه اكبر

#د_إسراءاسامه

#مذكرات_امراة_قوية