صيدلية الشرايين .. البصل

صيدلية الشرايين .. البصل ..

عارفة يا ست الكل إن كل دمعة منك بتنزل وأنتي بتقطعيه في الأساس هي بتفيدك مش بتضرك عشان بتنضف العين زي القطرة المضاد الحيوي كدة .. وريحته اللي أخترقت جيوبك الأنفية دي طهرتهالك ..

مريض القلب يلزمله شوربة فيه بصل وثوم وزنجبيل مسلوقين عشان تسنده .. وشُرب قشر البصل معروف في التخسيس وتثبيت الوزن كمان ، القشر اللي بترميه دة منجم مش محسوس قيمته .. دة غير فايدته في تصلب الشرايين وخشونة المفاصل وحصاوي الكلى وأي بلاوي سببها النقرس من أساس تغذيتها صح هو البصل .. والكبد الدهني والسكر وكوليسترول الدم .. تقدر تاكله مسلوق وني ومشوي ومن غير ما فوايده تروح (٦٠ جرام بما يعادل نصف بصله في اليوم) ..

صحيح ونسيت أهم حاجة : لو بتعاني من الثعلبة وتساقط الشعر عصير البصل وأدهنه على فروة شعرك قبل ما تستحمى بساعة وماتخافش برضو ريحته هتروح .. لو عندك جرح أو علامة أو حرق عصير البصل من أسبوعين لـ ٤ أسابيع وهتشوف ..

شوفت البصل حلو إزاي .. شير وغير فكرة الناس عن إنه مزعج وغير ريحته بمضغ النعناع والبقدونس ..

دمتم بصحة ♥️