برضوا …لأ

برضوا …لأ

مش هسامحك……مش هعاتبك

وبسهولة أنا هرمي طوبتك

أنت فاكر إيه ياواد

لأ…تكونشى كتير عليا؟

دانت تتفاتلك بلاد

والا فاكرني شوية!!!!!

روح لهم يابو قلب حاير

بكرة تندم ع اللى كان

بكرة تيجي لعندي طاير

قلب عطشان للحنان

مش هحن ومش هسامح

مش راح ارجع تانى ليك

كترت معاك المطارح

كلهم عاشقين عينيك

دانا شوفت ياواد بعيني

بصتك والشوق ماليها

كل واحدة ف دول ياعيني

تتكوى وتشكى اللى بيها

الغرام وياك حكايه

وانت عصفور ع الغصون

من سمر….لعبير…لآيه؟!!!!!

قولي انت مين تكون؟.

إمتى تعرف إن قلبي

هو بس اللى هواك

كل دول شياطين ياحبي

لما جم جرحوا الملاك

مهما هتقول مش هصدق

مش هرق واقول سماح

اليقين ياحبيبي اصدق

بكرة تندم ع اللى راح

إيمان العطيفي