للمطبخ اسرار هتلاقوها عندي وبسسس
متابعه — غاده المصري
🥛🥛الجبنه القريش اضربيها فى الخلاط مع شويه لبن وملعقتين زيت هتبقى احلى جبنه كريمى👍 وكمان لو لبن خالي الدسم هتبقي لايت
🍜🍜- رشة ريحان علي صلصة المكرونة بتدى ريحة حلوة وطعم مميز .
🍖🍖- تشوح اللحم في الزبد وحبهان وورق لورا قبل السلق نديها صدمة عشان يبقى لونها بنى وجميل وطعمها تحفه .
🍜🍜 – لصلصة المكرونة اضربي مع الطماطم توم وفلفل حامي . .
🍗- الكيس الحراري لتسوية الفراخ والبط . .
🍚🍚- الأرز والمحاشي اكشفي الغطا بعد ما يستوي عشان يبقى مفلفل ميعجنش .
– وأنتِ بتحمرى البفتيك حطي ملعقة زبدة مع الزيت هيبقي حلو اوى وزي المطاعم
❤-ملعقتين زبادى فوق الرز المعمر هيبقى جنان
❤- شوية خل فى مياه غسيل المواعين بتفرق كتير بتمنع التصاق الصابون بالاطباق وبتنضف وتطهر وتلمع المواعين
❤- لو عندك كاتيل استانلس اغلي فيه مياه وخل وابعدين اغلي مياه فقط حينضف ويبقي بيلمع
❌- اللحمه بيتحطلها ملح عادي ف اول التسوية لان غير كده مبتكونش الطعم احلي حاجة
❌- مانحطش زيت واحنا بنسلق المكرونة هنستخدمها فى بشاميل أو وايت صوص عشان بيزحلق الكريمة من على المكرونة 👌
❤- البصل الأبيض للطبخ والأحمر للسلطات والساندوتشات
❤- نضيف على عصير الليمون في الخلاط ربع كوبايه لبن بيبقي تحفه
❤- الطماطم بعد ما تتعمل بالخلاط بتتصفي من القشر والتفل بتبقي مختلفة تمامااااا .. كمان مريحة للقاولون
