المبدعة منى كمال مصممه كتب تفاعليه ووسائل تعليميه وترفيهيه لتنمية مهارات الأطفال

المبدعة منى كمال مصممه كتب تفاعليه ووسائل تعليميه وترفيهيه لتنمية مهارات الأطفال..

حوار مع جريدة ستات شاطرة

متى بدأت فكرة تنفيذ كتب تفاعلية ؟

” شوفت بالصدفه صور للكتب التفاعليه على الفيس بوك عجبتني اوي وحبيت انفذها لأبني خصوصا انه كان في سن الحضانه وبالفعل عملت أول كتاب تفاعلي كان لأدم، استفاد منه جداا حبيت افيد كل الأمهات وعملت جروب وبدأت مشروعي

ومن كرم ربنا عليا رزقني بفكره

اني أصمم الكتب التفاعليه بشخصيات كرتونيه علشان تشد الأطفال وكأنه لعبتهم المفضله بس في محتواه عدد من الأنشطة التفاعليه اللي بتنمي مهاراتهم المختلفه..

وبعدين قررت أكمل الفكره وعملت شخصيات كرتونيه كامله يعني مش بس وشها لا الجسم والأيدين والرجلين وكمان متحركه بحركه البندول

-تطوير الذات مطلوب فى مجال الطفل ايه الخطوات اللى عملتيها لتطوير نفسك ؟

حددت هدفي وأشتغلت عليه وطورت من نفسي أكتر وأكتر وأخدت دبلومه في المنتسوري وأشتغلت كتيير وبئه عندي براند خاص بيا وسميته Bookii وصدرت كتبي بره مصر وأتكتب عني في صحف عالميه ومحليه وصورت فقرات كتيير في برامج في قنوات فضائيه كبيره وآخرهم حلقه مع المذيعه حبيبتنا كلنا دعاء فاروق لما استضافتني في حلقه من ضمن حلقات قصص نجاح، وحكيت قصتي كامله وكانت من أحسن الحلقات اللي صورتها بجد

الجميييل أني حاليا أبتديت أحقق هدفي الحقيقي!!

وعملت أول كورس أونلاين لتعليم صناعه الكتب التفاعليه والوسائل التعليمية لتنمية مهارات الأطفال ..

وبعلم المشتركات معايا حتي لو مش عندهم الموهبه الفنيه ولا بيعرفوا يرسموا بيقدروا ينفذوا أي كتاب بأحترافيه عاليه جداا

فيه منهم فتح مشروعه الخاص وفيه اللي طور من نفسه وفي مجال شغله سواء في مدرسه أو في حضانه وفيه الأمهات اللي أبتديت وعملت لأولادها وعلمتهم بأسلوب جديد وممتع ومختلف عن الطرق التقليدية المعتاده.. أد أيييه بفرح لما بحس اني قدرت اساعد حد في انه يحقق هدفه بجد

_ تنصحى بأيه السيدات علشان يقدروا يحققوا أحلامهم ؟

الحياة بجد أحلى وأنتى عندك هدف

هتقابلي أختبارات كتير ممكن تهزمك

يقينك بالله وهدفك هوه اللي هيخليكي تقاومي وتقفي من تاني علي رجليكي علشان تسعي بكل طاقتك أنك تحققيه

فى من تانى على رجليكى علشان تسعى بكل طاقتك أنك تحققيه