بسبوسة … مقدمة من الشيف / مروج وائل
المقادير
كوب الاربع سكر
كوب حليب دافئ
نص كوب سمن
معلقة ونص عسل نحل
2 كوب دقيق سميد
نص كوب جوز الهند
رشة ملح
نص معلقة صغيرة بيكنج بودر
لعمل الشربات
2 كوب سكر
كوب ونص ماء
ليمونه
الطريقة
فى كسرولة على النار نكرمل السكر
منقلبش السكر خالص غير لما يبدا ياخد لون من الحواف نبدا نقلب لغاية ما ياخد لون حلو ويتكرمل نضيف الحليب ومننساش الحليب لازم يكون دافئ ونقلب
هيكلكع معانا منقلقش نفضل نقلب لغاية ما يدوب نطفى النار ونضيف نص كوب السمن وعسل النحل ونقلب ونسيبه على جنب لغاية ما يبرد
فى البولة نضيف السميد وجوز الهند ورشة الملح والبيكنج بودر ونقلبهم كويس وبعدين نضيف خليط السكر ونقلب اهم خطوة متقلبش كتير بمجرد ان السميد يختفى نوقف التقليب ندهن صنيه سمنه ونصب الخليط فيها ونتركه نص ساعه ترتاح
نجهز الشربات
نضيف السكر على الماء وعصير الليمون ونسيبه يغلى لمده عشر دقايق ونطفى عليه
ندخل الصنيه فرن متسخن مسبقا على درجة حرارة 200 لمدة 20 دقيقة واول ما تخرج نسقيها الشربات البارد
وصحتين وهنا
