سارة_نور_الشريف تحيي الذكرى العاشرة لوالدها بكلمات مؤثرة

سارة_نور_الشريف تحيي الذكرى العاشرة لوالدها بكلمات مؤثرة :

متابعة غاده المصري

وحشتني

پاپي حبيبي

فات ١٠ سنين؟

أنا مش مصدقة

مشاعري دايماً في اليوم ده ملخبطة وبابقى مش فاهماها

دايماً بافتكر إن مع مرور الوقت، اليوم هيعدي أسهل

بوجع أقل

بإحساس بالفقد أقل

بس. . . . .

إنت وحشتني قوووي قوووي

واحشني أقعد معاك

واحشني أسمع صوتك وكلامك

واحشني أشوف إبتسامتك

إبتسامتك اللي بتسبق للعين قبل ما توصل للشفايف

قريت جملة في كتاب، عجبتني جداً

“ماذا تفعل بفيض حب لا يبلى ولا ينتهي لشخص لم يعد هنا، فيض حب، بمرور الوقت لم ينقص، بل زاد وفاض حتى كاد يغرق صاحبه؟” (نوبة حراسة الأحلام)

ده أنا

ده حالي

بأبص على حياتي وياك وألاقيها مش كفاية

عمر ما كان فيه كفاية في الحب

ولا كفاية في القرب

أنا هنا، بس قلبي في زمن تاني

إتعلمت أعيش معاك وأونس قلبي بوجودك في عالم خاص بينا

إنت حظي الحلو في الدنيا

أنا باطمنك علينا.

الحمدلله مرينا بحاجات كتير، وبفضل الله وكرمه عدينا منها

مش ناقصنا في الدنيا غير وجودك معانا

بحبك وهفضل أحبك لآخر لحظة في عمري

وزي ما باقولك دايماً

إنت حبيبي

حبيبي الأول والأخير ومابينهما

كل سنة وأنا أقربلك سنة