عصفور كناريا … الشاعر محمد صقر
عصفور كناريا
و ضحكه لولي
و ناي
حواديت و سيره
وزمج ناقص شاي
رقبة حمامه
و بنت لسه بنوت
عازف كمانجا
و ضحكه جايه بنوت
هز الوتر فيا
رصيت كلامي سكوت
سحر البُنيه
هز فيا الصوت
ف لقيتني بنطق شئ
بيشبه شعر من براه
اجدل ضفاير حلمها مطلع
الشوق بريد مرسال لحبك
او لها
علم قصايدك إزاي تغازل
خصرها
ترقص غيوم
الليله هيناموا النجوم
و أنا و إنتي زحمه
و القمر ساااااارح
و زايغ
بين عيونك ضي
بينتشل روحي
إلى أن تبوحي
بكل ما فيا و يشبهلك
ف ساعة حرب
قلبي إللي زغزغ
طرف الزناد عيط بارود
الليله بات مصلوب
على قلبك بيشفيني
كل الضحايا ف زحمة قصايدي
ماتوا بور
إنتي الوحيده اللي سكنتيني
الليله
منحوت على كفي
بيوت الغربه في الأوطان
و أنا إللي حبك موت
و الأصل ميت ملعون
ف تأبيني
