مشواري … الشاعرة جيهان عبد العال
و باقي أيه في مشواري
غير بس عينيك
و طلة لبكره تشتاقلك
و تحلم بيك
تِسابق في الهوى شوقي
يقوم يناجيك
ينادي في البعاد روحك
و يسعد بيك
حبيبي شمس أنواره
تشع حياه
و قصة عشق جوانا
بتمحي الآه
و روحي تنادي علي قلبك
و تترجاه
و صورتي في الغرام دايبه
سهر وياه
و باقي أيه في أحلامي
أكمل بيه ؟
ده عشقه نبض جوايا
و عايشه أنا بيه
يا حب العمر و اتمنيت
سنين الاقيه
تعالا قلبي محتاجك
لتسكن فيه
