تمن قلب
للشاعرة رباب الجورية
أنا فى احتلال
والقلب رافع.. راية بيضا
بيناشد الغازي السلام
لكنه قافل بالغرام
كل الودان
رافع رماحه فى وش قلبي
بيشق بيها سكته
وانا قلبي زي مدينة ساكتة
سكانها مالجوع عريانين..
ادام جناااب
الحب ليه مستسلمين
والحب واقف فى الميدان
داخل بجيشه وهمته
شاهر سيوف الشوق…. قصاد
قلبي الضعيف
وانا قلبي مالهوش فى الحروب
فبسرعة سلّم
فــــــــبسرعة سلّم نبضته
