إديني ضمان

إديني ضمان

الشاعر عمر ربيع

إديني ضمَّان إنَّك ندمان ..

وِ إن أنا وحشَاك زي مَابتقول ..

خلِّيني أصّدق أي كلامٌ، يتقال ..

من عينك لـ عينيّا ..

و إن إنت إتعلِّمت في بُعدِي ..

إن أنا قِيمتِي أكبر بِـ كتيِر ..

مِش زَيِّ ما كُنت مقَدرهَا ..

وِ إن أنا مِش لعبة هتِلعبهَا ..

و إن حبَّة زِهقت هتكسرهَا ..

خليك شفاف ..!

وِ إتكلِّم عَادي بكُل وضوح ..

مابقتش بصّدق أي رياء ..

ولا حتى نِفاق ( عاد بيه مسموح) ..

كفاياك أعذار ..

مابقاش في القلب مكان يسمح..

أستحمل ليك أخِر إنذار ..

دي المرة الـ 1000 بترجعلِّي وتقول ندمان ..

مابقتش خلاص ..

نفس البنوتة اللي إديتلك حُب

و إخلاص ..

و معاها البيت كان أدفا كتير ..

كان سوء تفكير..

منك و ياريت ماتعودش عشان مابقاش ينفع ..

ولا عاد في كدبة هتشفعلك ..

و أكيد فيما بيني و بين نفسي

هنساك و اتعلّم مِـ الماضي ..

و يارب مشاعري ما تهزمنيش ..

و أرجعلك تاني المراديِ..