بلفتين جلاش هانعمل الحادث والحلو
مقدمه من الشيف نونا طارق
المقادير
لفتين جلاش كوبايه زبادي كبيره كوبايه سمنه على زيت معلقه كبيره بيكنج بودر نص كوبايه لبن
العمل الحادق هيكون عندنا لحمه مفرومه او فاهيتا فراخ او شاورمه لحمه او سوسيس او اي حشوه ترغبي فيها او بسطرمه المهم هنجيب صينيه ندهنها بالخلطه اللي احنا عملناها اللي عباره عن عن كوبايه الزبادي على نص كوبايه اللبن على السمنه على الزيت على البيكنج بودر ونقلبهم مع بعض بقى عندنا دهان محترم هينقل لنا الجلاش لفطير شرقي تحفه هندهن الصينيه وناخذ اول ورقه نحط ثلثينها في الصينيه والثلث الاخر بره وندهن بالمقابل ورقه ثانيه وندهن لحد ما نلف الصينيه كلها ونيجي في النص نحط برده ورقه غير مدهونه ونحط الحشوه وبعد كده نطبق الورق اللي كان بره وندهن كل ما نطبق ندهن ويبقى معانا ورقتين للاخر نحطهم على وش الصينيه وندهن بنفس الصوص اللي احنا عاملينه تدخل فرن سخن وممكن برده نحط على الوش شويه فلفل الوان وشويه زيتون عشان ننقلها لبيتزا شرقي محترمه وشويه جبنه موتزاريلا او جبنه رومي لك حريه الاختيار نفس الموضوع
ننتقل للفطير الحلو
نحضر برده صينيه ويكون عندنا القشطه الكذابه او كاستر ونحط برده 3/4 الورقه جوه الصينيه وندهن وبالمقابل ورقه ثانيه وبالتناوب ونحط في النص الحشوه وبعد كده نقفل وندهن وندهن برده الوش وندخلها فرن اول ما تخرج نكون محضرين كوبايه لبن كبيره محله فيها سكر وفانيليا ونسقيها بيها وننزل عليها سكر بودر وجوزه الهند ومكسرات وسبيب بقى عندنا احلى فطيره مكسرات وبحشوه محترمه والف هنا وكل سنه وانتم طيبين
