السباق … للشاعر محمد علي
عارف بإن معادي لسه مجاش أوانه
ولا عمري كنت رهان لحد
يستحق يعيش عشانه
ولا حتى كانت خطوتي
تنفع ف يوم تدخل سبق
وبرغم عجزي بإني اسير الي أي شئ
حطيتك انتي ف كل شئ
و ف كل جوله سبقتلك
عشت اقتلك ف كل مره اشتقتلك
ف كل مره بتصحي فيا
كان غصب عني بتهلك
فندهتلك
وكإن تقل الكون بحاله
جه على لساني وقف
زق الحروف قلبي ونادى بإسمها
قالي اعترف
ولع شموعك واعترف
قول أن أكبر ذنب نفسك يغتفر
إن أعظم شئ خلقه الإله تحت الضلوع
أذنب وادمن حبها
قول تبرياتك كلها
اسجد و ناجي المولى إن تكون لها
الحدت ليه بدين الذي
خلق الجمال من حسنها
مش ذنب قلمك
إنه اتملى من سيل دموعك
فطبيعي يكتب عنها
وكأنها…..حسبت مقاس الجرح بالسنتي
انتي التي…..سكنت فؤادي عُنوَةٌ
و غَزَت شراييِني بغير مِيعَادِ
أطلت عَليّ وما كان لي الا
رفع الرايات لحُسِنها قبل الايادي
خِصر يُداعِبُ مُقلتَيَّ كأنني
انوي الرحيل لمكهٍ
واذا بقدمي تَطُوف في بغدادِ
مالت عليا ف مِلتُ مُصَدقاً
ما كُنت ادري انها
تنوي رَحِيلي عِندما
تغزو جروحي وقلب قلب فؤادي
لازلت انادي
لازلت انادي الليل واعاتبه
واسب قلمي
لكل حلو اليكي كاتبه
فـ اكتب واقول في ٦ آلاف موضوع
ينفع قصيده بدون وجود ذكرك
لاكني بفشل بردو كالعاده
مقدرش اطول ف القصيده عشان
كل اما بكتب سطر بفتكرك
