يوم جديد … للشاعر شريف عباس
يوم جديد زى اللى فات
واللى بصبح فيه ببات
سبت حد اتنين تلات
نفسى اشوف تغيير بسيط
الوشوش هى الوشوش
بجرى جرى مع الوحوش
والحنان ما شوفتوهوش
قالوا عنى الناس عبيط
كل يوم نفس الروتين
جوه قلبى كتير أنين
نفسى ارجع بالسنين
استخبى فى ضل حيط
استخبى من الهموم
وأما بتكعبل بقوم
اللى راح مالهوش لزوم
يا ما م الاحزان بكيت
ذكريات ما بتتنسيش
برضه ومكمل بعيش
فيه امل أو لو مفيش
حلضم الاحلام فى خيط
