فوائد الكوراع للصحة وعلاج المفاصل

فوائد الكوراع للصحة وعلاج المفاصل

دكتور أحمد أبو النصر

 بعض الناش يشكك فى معلومات فوائد الكوارع على الصحة العامة قلت طيب هراجع معلوماتى حاضر وما راجعت معلوماتى اتفاجئت ان الكوارع مش بس علاج للمفاصل زى ماذكرت لالا دى علاج للمفاصل ومغذية و للخشونة وعلاج للتجاعيد المبكرة والجهاز الهضمى وبتساعدك على نوم عميق هادى ويلا نشوف الدراسات بتقول ايه والطريقة المثلى لطبخها ازاى عشان نستفاد منها :-

١- الكوارع مغذية جدا وكذلك نخاع العظم .

العظام عامة غنية بالكالسيوم الماغنسيوم الفسفور الكوارع غنيه بالكولاجين اللى ساعت طبخها بتتحول لجلاتين بيدعم جسمك بالأحماض الأمينية اللى جسمك بيحتاجها لبناء المفاصل ونخاع العظام غنى بفيتامين كاف والف والحديد والأحماض الدهنية المفيدة لبناء أعصابك والسلينيوم المهم لدعم الغده الدرقية و بناء الشعر ومنع تساقطه .

٢- حماية المفاصل :-

العلماء فى ٢٠١٧ نشرو دراسة فى مجلة الطب الرياضى مفادها ان تناول الكوارع بإنتظام بيساعد المفصل فى حمايته من التلف والتأكل نتيجة الاستخدام المستمر و الاجهاد من زياده الوزن .من الأخر اعتبر المفصل ترس محتاج تشحيم بإنتظام عشان ميتكلش غيار الزيت ده موجود بالكوارع .

٣- مكافحة هشاشة العظام

فى ٢٠١٦ العلماء نشرو دراسة فى مجلة التغذية ان تناول الكوارع و رجلين الفراخ غنى بالكولاجين اللى بتحتاجه العظام للبناء .

٤ـ حماية الجهاز الهضمى من متلازمة تسرب الأمعاء

فى ٢٠١٧ فى مجلة العناصر الغذائية وجدو ان شرب شوربة الكوارع غنية بالحمض الأمينى الجلوتامين البانئ للجهاز الهضمى و صحة الأمعاء وحمايتها من التلف وتسرب السموم منها الى الدم.

٥- تساعد على النوم الجيد :-

٢٠١٥ فى مجلة علم الأدوية النفسية والعصبية الجيلاتين ومرق الكوارع والعظام غنى بالجليسين بيحسن جودة النوم وتوابعه زى الأرهاق الصباحى .

٦ـ مضاد للشيخوخة والتجاعيد المبكرة .

فى ابريل ٢٠١٦ فى مجلة علوم التغذية الكورية ان تناول الكوارع بيساعد فى علاج التجاعيد المبكرة نتيجة الاضطربات الهرمونية و التعرض للشمس والحرارة المتواصل .

طريقة الطهى المثلى لإستخراج الجيلاتين والحصول على الفايده الكاملة .

بعد غسل الكوارع كويس جدا اتبع التالى

١ـ ٤ ليتر ماء .

٢- ٢ معلقة كبيرة خل

٣- كيلو نصف من الكوارع او رجلين الفراخ

أغليهم على نار هادية خالص لمده من ١٢ الى ٢٤ ساعة بعد كده ممكن تضيف عليهم الخضار والاعشاب زى الزعتر عشان تزود الفايده ومتنساش عشان تمثيل المعادن تعصر ليمون قبل الأكل وممكن تضيف عليهم امبول فيتامين دال ديفارول

اللى بيتشرب عشان زياده الفايده ولمرة واحده وبعدها حلل واطمن وتابع نسبته مع طبيبك .

شير لغيرك وقوله غلى الكوارع على نار هادية وبراحة وبالخل بيستخلص الفايده ويجعلها أقوى و تقريبا مبيكونش فيها زفارة .