قسمه … إيمان العطيفي
جات العصاري
والنهار
لملم جلاليبه.
والمغربية حالفه
تتحنى بغروبه.
يا نخله تحت الطل
على شط أحلامي.
قولي للقمر لو هل
إيعدي قدامي.
أوعاكي بس يفوت
تنسيني وتنامي!!!
عاشقه هويد الليل
وإن باعد أجيبه.
يا ليل يامجمع
كل الأحبه حداااك
أنا اللى دوبت ياليل
وعشقت قلب ملاك.
سافر يجيب مهري
وقتلني تغريبه.
دانا قلت له مهري
خُلخال..(.وعندية)
عشة جريد وبووص
وأبنيها بأيديا.
شباك من الحنه
والتاني حنية.
ويغير منا البرد
والصيف ولهاليبه.
لكنها القسمة
والوعد
والمكتوب.
تقرب الأغراب
وتبعد المحبوب.
ياعاشقين قَبلي.
من بحري أو قِبلي.
قولولي مين أختار
فى الحب ناصيبه
إيمان العطيفي
مصر
