– ماذا حدث لضاضا؟
متابعه غاده المصري
= ضاضا مكنش فيه حاجه هو باباه كان دافعله مصاريف المدرسه و هيروح المدرسه فقالي هروح لتيته قولتله روح يا حبيبي فراحلها و هي دخلت تعمله أكل فطلعت ملقيتهوش فاكتشفت انه حط مخدات فوق بعض و بص من الشباك فوقع و التكييف خده و نزل و ده قضاء ربنا الحمد لله انا راضيه يارب وابني كان طبيعي مكنش مجـ ـنـون ابني كان عنده فرط حركه بس و كان خلاص بيتعافي بس الحمد لله فكفايه اشاعات و ارحمونا و ادعوله بس
– كانت علاقتكم ببعض عامله ازاي؟
= علاقة ام بإبنها عادي ابني الناس كلها كانت بتحبه والله اوعوا تتفتكروا ان الناس دي جايه عشاني انا ولا ابوه دول جايين عشان ضاضا كان طوب الارض بيحبه حتى الكـ ـلاب و القطط بيحبوه والله و كان بيطلع لله يعني نبقا ماشين في الشارع فياخد من شنطتي ٢٠٠ جنيه يديها لواحده غلبانه اقوله كتير يقولي لا يا ماما انتي ربنا بيديكي انما دي غلبانه و محتاجه، مره سبت شنطتي معاه و جيت ملقيتش فيها فلوس قولتله فين الفلوس قالي اديتها لواحده قاعده على كرسي قولتله يبني انا متبقاش معايا فلوس احط بنزين
قالي ربنا هيديكي بس دي محتاجه انما انتي ربنا بيرزقك
