بوست امتنان لأمها على القيام بدور الأب والأم يتحول الى تنمر وسخرية على الفيس بوك

بوست امتنان لأمها على القيام بدور الأب والأم يتحول الى تنمر وسخرية على الفيس بوك

معبرة عن استيائها على التجاوزات المسيئة للأم فى التعليقات

نزلت بوست امتنان ل ماما وبشكرها لانها كانت بالنسبة لي ألام و وألاب

اصحي تاني يوم القي نفسي طلعت تريند مع انه انا م طلبت من اي شخص يطلعني تريند خالص، وخشيت اشوف التعليقات الاقي الناس بتستهتر ب أمي

بيقولو عليها يمكن اتحولت ل رجل

مع انه المعني واضح والملامح واضحة وانا م عارفه ليه الناس بتحب تجرح الناس بالتعليقات السلبية

مافي اي انسان ح يحس باللي انا بقصده الا الشخص اللي مر بنفس معاناتي

وعلي فكره بابا موجود وعايش بس انا بعرف بابا واحد بس وهي ماما

لانها كانت لي ألاب الاول في حياتي

كان دائماً ولي امري في المدرسة ماما و البترجعني من المدرسة ماما

ومن وانا صغيرة ماما هي البتجي في الاجتماعات بتاع الامهات او الاباء في المدرسة، الكل بيجي ب ابوهاتهم الا انا بجي مع ماما

اللي دخلتني الجامعة ماما والكانت جمبي في تخريجي هي ماما

ف لو سمحتو كفاية تجريح في التعليقات انتو م بتتخيلو تعليقاتكم مؤذية ل اي درجة انتو بتتكلمو وبس وم حاسين ب الانا حاسه بها

المراة اللي انتو بتستهرو بها دي هي اللي جابت الشخصية القوية القدامكم دي

ف لو سمحتو وقفو التريند ده علي كدا انا م طلبت منكم تطلعوني تريند

انا انسانة عادية بسيطة طلعت تشكر امها زيها وزي اي أم في الدنيا

ف ما عارفه ليه كمية التعليقات المؤذية اللي انتو بتكتبوها دي

ولولا امي م كنت هكون في المكان ده نهائيا

ف هفضل اقول دائماً أمي ثم امي ثم امي ثم مليار مليون أمي