شويه نصائح ل زوجه الشاطرة
متابعه غاده المصري
عندك ذباب كتير طيب أصيص صغير ازرعيه ريحان او نعناع الروايح اللى بتطلع منه بتطرد الذباب
عندك نمل و عمال يفتح ويخرم شوية خل تفاح مع مايه ورشى مناطق التجمع بتاعته المنبع يعنى
عملتى نفسك شاطرة وحطيتى التوابل بالنظر والشطة ولا الفلفل الاسود زادوا
واتلهلب طيب حطى معلقة او معلقتين لبن ع الاكل بس يكون دافى مش ساقع
بتعملى عصير اى نوع فاكهة وتحطيه فى دورق وتحطيه فى التلاجة كده غلط لان فيتامين ج اللى فى العصير بيبوظ بمجرد تعرضه للهواء نحطه فى ازايز او زجاجات
عندك حلل الومنيوم لونها بيغير عايزة ترجيعها تانى يلا شوية خل وليمون وادعكى
ولو عندك ورقة فويل كرمشيها وادعكى بيها يا قمر وبعدين مايه وصابونوشوفيها وتعالى قوليلى
بتقشرى الباذنجان ولما تقليه تلاقيه شال الزيت كله وشربه طيب بعد ما تقشريه حطيه فى شوية مياه وملح أشطفية وأقلي هيبقي مظبوط وهينزل منه المرارةومش هيشرب الزيت ياقمر
كلتى اكلة باذنجان بالخل والتوم يلا بسرعه حطى عودين بقدونس فى بوقك وامضغى
طيب التوم ريحته مالية ايديكى قشر الليمون وادعكى وبعدين اشطفى ايدك
بتحمرى اللحمة أو فراخ والسمنة أو الزيت بتطرطش ومشوهة ايديكى ووشك عارفة انا الشكل ده
طيب رشى شوية ملح صغيرين للسمنة أو الزيت ومش هيطرطش تاني ياقلب أختك زوجه اروبه ولهلوبه
عندك مطحنة وطحنتى توابل والريحة مش راضية تروح وعايزة تطحنى سكر
اغسليها واطحنى فها شوية عيش محمص
طعندك بواقى دهنيه فى قلاية التحمير ادعكيها الاول بورق جرايد وبعدين بالصابون
الملح بتاعك بيرطب فى علبته حطى كام حبة رز جوا العلبة
عايزة تشربى شاى مظبوط هاتى برطمان ازاز وتلخبطى كم نوع على بعض بيدى لون وطعم خرافة واعملى لنفسك وليه كوباية بحبكم جداً والله
