معلومات مفيده جدا هتنفعك في بيتك ومطبخك

معلومات مفيده جدا هتنفعك في بيتك ومطبخك

لو عايزه الخشب بتاعك بيلمع حطي شويه من حمام الكريم بتاعك في فوطه ولمعي الخشب هيرجع جديد

لو لبس اطفالك مليان بقع حطي وأنتي بتغسليه 2معلقه ملح ليمون و2معلقه بيكربونات هيبقى فله

اهتمي بجمال مطبخك

لو الكبه أو الخلاط مليان زيوت هاتي بخاخه فيها ميه وحطي فيها معلقتين كبار ملح ليمون وحطي علي فوطه مبلوله وسبيهم عشر دقايق وبعدين امسحي بليفه هيبقى فله برضو

متنسيش كل اسبوع تنظفي التلاجه و تمسحيها بمايه و خل كويس و تتخلصي من اي حاجه ملهاش لازمه و هتبقى فل الفل

بانيو الحمام والحوض مجيرين

هقولك علي حل ياقمر هاتي ليفه وحطي شوية خل وكربونات حلوين وملح ليمون وشويه مسحوق واغسلي البانيو والحوض بيهم وشوفي اللمعان

متنسيش بعد كل عشا تنضفي بتوجازك عشان متتراكمش عليه الدهون، ولو اتراكمت حطي خل وملح ليمون و مسحوق و هتلاقيه بيلمع

افتحي كل يوم الشبابيك عشان تجددي الاكسجين حتى لو في الشتا

لو ابواب الاوضه مش نضيفه حطي شوية مسحوق في بخاخه و ملعقة خل ومعطر علشان الريحه و رشي و سيبيه شويه و امسحي بفوطه