كسلت ؟! بتتكلم بجد ..؟!
ده لسه مافاتش من رمضان غير كام يوم.. لحقت تكسل؟!
حتى لو لسه مش لاقي قلبك ، اوعى تكسل
على فكرة مش لازم يبدأ رمضان وانت مشحون طاقة ومستعد وعندك خطط بالتفصيل وقلبك كويس ونفسيتك مستعدة
انما الطبيعي انه رمضان بيجي عليك بعد غياب عام وتراكم ذنوب وسواد على القلب وانت تعبان وقلبك مطفي ومكسور ..
وببدأ يجبر فيك رمضان يوم بعد يوم
دعاء بعد دعاء
تراويح بعد تراويح
صدقة بعد صدقة
فعادي والله لو كنت مطفي دلوقتي ، وظيفة رمضان انه يجبرك.
إنما نكون انا أو انت من الخاسرين آخر الشهر….هي دي المشكلة الحقيقية
قوووم خد رمضان من أوله لآخره بقوة ..
تمسك بيه كأنه حبل نجاتك الوحيد والأخير
ماتقولش … مش حاسس بطعم رمضان !!!
طعم رمضان هو طعم الإيمان
اه في أهل وأحباب فقدانهم ، لكن رمضان حلاوته في طاعته وعباداته ، في أوقات السحر ومناجاتك لربك ..
في دعوات قبيل المغرب وبعد الافطار ..
في صلاة تراويح واجتماع على الطاعة مش بنشوفها غير فيه ..
في قراءتك للقران ، في إظهار اشتياقك له بختمات متتالية ..
واظب على طاعتك ، وقلل من كلامك وزهقك وانتظارك لأجواء مثالية مش هتتوجد أبدا !!
عش رمضان وبلاش تضيعه منك ..
#رسايل_رمضان
رسايل
منقول
