فن

ليه إعلان we هو الأفضل بالنسبالي

ليه إعلان we هو الأفضل بالنسبالي

ليه إعلان we هو الأفضل بالنسبالي؟

في مقولة بتقول:

“عليك أن تعتني جيدًا بإختيار مهنتك وشريك حياتك، لأن بناءً عليهم ستتوقف ٩٠٪؜ من سعادتك في الحياة”

إعلان we مشاهد خالد النبوي مع هند صبري، هو ده المشهد الطبيعي في الجواز، وأي حاجة تانية هي اللي مش طبيعية، المشهد الألطف على الإطلاق، بعد سنين جواز وبرودة لهفة البدايات، والعشرة والمشاكل والضغوطات، بعد خلفة ٢، ولسة الحب والإهتمام موجود وأتعمق وقوي، وهي واقفة وسطهم منورة ومبسوطة وهو في شغله رايق ومبسوط وده منعكس على ولادهم،

أصل أب وأهم سعداء وبيحبوا بعض، يعني أولاد أسوياء وبيت سعيد،

نظرة عينيها لأبنهم بكل الحب الي فالدنيا لما لقيته واخد تفاصيل باباه فاتصوره وتبعتهاله(نسخة منك دايما على بالي) وسعادتها بإن إبنها شبه باباه،

رغبته فأنه يجبلها ويختارلها هدية ونظرة عينيه وهو بيختارهالها بنفسه، وفرحتها وضحكتها وهي في حضنة..

وصولًا بفرحتهم ووقفتهم جمب بعض في خطوبة أختها وفرحته بيها كأنها أخته، وده بيوضح مدى عمق العلاقة.

ده مش جوازه والسلام، ومستمره علشان العيال، ولاعلشان ضل راجل ولاضل حيطه، ولاعلشان واحده تربيله العيال وتنضف البيت..

لا التفاصيل في المشاهد دي هي اللي لازم تبقى في كل بيت بعد كام سنة جواز وكام خلفة، بحب حقيقي قلبًا وقالبآ حب الشخص بكل التفاصيل والتفاهم بإقتناع،

حب ودفا وأمان وسعادة وسلام نفسي.

وبجد لو الجواز مش كده وكل طرف مش مبسوط ومقتنع وراضي وحابب وبيدي من قلبه ومتمسك بالطرف التاني وضحكته ماليه وشه وحياته وروحه سلام نفسي،

يبقى الواحد المفروض يتجوز ليه ؟!

 

هو ده المنظر الطبيعي ، والي أتمنى إن شريك حياتي يكون عنده نفس الConcept ده ويكون بيت مليان حب ودفا وأمان وسلام نفسي،

Relationship goals:

إن كل طرف يجتهد علشان يسعد الطرف التاني

 

وأخيرآ “عليك أن تعتني جيدًا بإختيار مهنتك وشريك حياتك، لأن بناءً عليهم ستتوقف ٩٠٪؜ من سعادتك في الحياة”

ومتفوتش فرصة تقول للي بتحبهم إنهم دايماً على بالك

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى