مهو مش عشان انتي ماما

مهو مش عشان انتي ماما ..

لازم تبقي قاعدة منكوشة تسريح الشعر مش بياخد اكتر من تلت دقايق

ومش عشان انتي ماما ..

لازم تاكلي من الارض وتلمي البواقي عشان مستخسرة ترميها !!

ومش عشان انتي ماما..

لازم تشربي الشاي والنسكافية متلجين، ما تعملي غيرهم فيها اية ؟

ومش عشان انتي ماما ..

لازم تبقي ايدك ناشفة من كتر المية الكريم.. بيتحط في دقيقة .

ومش عشان انتي ماما ..

يبقي لازم تذكري لاربعة في نفس واحد ،، متعملي جدول لمواعيد الواجب كل واحد لوحده !!

ومش عشان انتي ماما..

لازم تبقي ام …. ماله اسمك …؟؟ردي عليا هنا ماله اسمك؟؟

ومش عشان انتي ماما ..

لازم تبقي بكرش ،،،خلاص ولدتي خلصنا ..الولادة سبب مش حجة يا هانم !!

ومش عشان انتي ماما ..

تجري علي الدكتور لوحدك كل مرة …فين بابا؟؟؟

ومش عشان انتي ماما ..

ميبقاش ليكي مصروف خاص بيكي حسب مقدرة جوزك،، مش شرط يبقي مبلغ كبير ..

ومش عشان انتي ماما ..

تكسلي تلبسي وتنزلي عشان هتلبسي كذا بني ادام معاكي ..لا البسي وانزلي ؛؛ يجيلك اكتئاب نص ساعة بدل ما يجيلك بقيت عمرك

مش عشان انتي ماما تنسي نفسك..

احنا مش بنلومك ولا بنقلب عليكي المواجع ..احنا عايزينك تستمتعي بأمومتك وتحبي نفسك وانتي ام ..

ومش يبقي عندك طاقة مهدرة ووقت ضايع طول عمرك تندمي عليه لما ولادك يروحوا بيوتهم …

اسعدي نفسك ومتجيش عليها عشان تعرفي تسعديهم

اهتمي بنفسك وبكيانك وبجسمك عشان لما توصلي للاربعين الناس يبقوا محتارين انتي مامتهم ولا اختهم الكبيرة ..

اسعدي نفسك عشان انتي ‫#‏ماما‬